Teaching

100406
http://happypama.mingpao.com/cfm/main.cfm

http://hk.apple.nextmedia.com/template/apple_sub/?fuseaction=TOC.column&iss_id=20100406

http://www.am730.com.hk/
http://www.hkheadline.com/



http://forum.baby-kingdom.com//viewthread.php?tid=1094774&extra=page%3D1&page=6

Part II應用技巧(1) 讚要盡情 讚要真心、開心、冇保留同唔可以有條件(condition)或即時翻舊帳，即係唔可以話：「嗱，咁做就乖啦」、「唔打人就乖啦」 (有條件的讚，表示打人就唔乖)，或者「咁先至乖架，之前咁咁咁咪唔好囉！」(翻舊帳話佢之前唔啱)，咁就唔算係「真」心讚，因為你依然有話佢！(2) 認清目標當你用讚來矯正一個唔好嘅行為時，記住每次讚的目標只可以有一個，例如你想處理「含飯唔吞」問題，讚佢時佢好開心，但突然太開心大叫，你又忍唔住去話佢：「咪嘈啦！」咁就又冇咗嗰個氣氛，佢又跌番落谷底，同冇讚過一樣，亦發揮唔到應有效用；總之，讚的時候，其他嘢最好全部唔好話佢住！舉多個例，你讚佢冇掟嘢落地，佢即刻好興奮爬上梳化跳，咁你就唔好話佢跳梳化，可以依然開開心心咁走過去，順勢抱高(舉高)佢，同佢玩兼離開張梳化，總之就唔好响嗰陣話！(3) 掌握讚的 timing 有啲媽咪會話：佢根本冇乖嘅時候，点讚？時機可以製造，只要係開開心心嘅氣氛便成。舉例：(1) bb吃飯吃幾啖便走開，点讚？可以响佢食咗第一啖就讚，甚至一坐低就讚：bb好乖喎，食飯坐得好好冇走開喎。食多幾啖又再讚。(2) bb响遊樂場見到細過佢嘅就推，出手好快，点趕得切讚？當然要响佢推之前，為確保一定讚得到，一到達遊樂場就讚，我教過一個媽咪，佢起初讚唔切，後來索性未去到遊樂場就讚，嚇到佢C6以為佢傻咗......點知，幾次就搞掂咗冇再推人！善後工作 (Follow up Work) 1/ 用讚改正壞行為，讚緊當時係唔講解其他嘢(例如點解唔好做乜等)；咁幾時先至「教」番佢乜嘢係啱，乜嘢係錯？我常說是講故事時間，因為那時氣氛最好，你用故事，如「三隻小豬」嚟教佢唔好懶，又唔係話佢，咁幾好！2/ 對於處理扭同哭鬧來說，讚之外，重要加 ignore 一齊用，即係要對佢哭鬧冇反應(不可表現嬲，不可罵或話，甚至說話都可免則免)至得，再清楚d，你用讚嚟話佢知「唔扭」係好，但如果佢扭就有嘅 (或者攞到你的情緒反應)，咁佢好難唔扭喎！佢哭、鬧、扭時，除咗絕不可有任何反應外，亦不好罸關他在房中，因為這是嚇不是罸，你見不到他只會更担心他在做些什麽，他若在房中大哭，你放他出來時，他會以為是因為他哭所以放他，反為助長了他下次哭得更耐！3/ 若他不是扭，而是做錯事如打人、掟嘢等，只須用堅定的語氣告訴他一次他打人和掉嘢不對，然後可以罸他他站或坐 naughty chair，他離開便將他抱回，要注意的是不要當時罵或者「話」，比如同佢講：我話咗你啦.....又俾我罸.......衰唔衰呀等，因為罸站或坐已經係罸咗，唔須要再附加啲乜，「話」更加係冇用同傷感情！之後，簡單告訴他多一次他錯什麽，要他 say sorry，然後hug 他一吓表示冇事錫番！，(只供BK 會員，請勿轉載至其他網站)[ 本文章最後由 SandraLo 於 08-10-7 16:51 編輯 ]


http://forum.baby-kingdom.com//viewthread.php?tid=951856&extra=page%3D1

失敗父母的十大彌天大罪
失敗父母的十大彌天大罪1. 貶低你睇下別人的孩子幾精乖、讀書又叻，再睇下你……，好多時做家長的一開口就貶低自己的孩子，令孩子無所適從缺乏自信，長期下去便會覺得自己真的比別人差。不要小覷貶低的反效性，大人覺得無所謂講下而己，小朋友卻會產生比較心、自卑心。2. 冤枉 家長有時在不分清紅皂白的情況下破口大罵孩子，有時明明不是孩子做錯，但先主觀的下了判決，例如找不到電腦磁碟，還未徹底找過，就冤枉孩子。而事實上，原來磁碟在電腦裡根本沒拿出來。一個人被人冤枉的心情是不好受的，小朋友也是如此，被冤枉得多，性格可能會演變成懦弱或暴戾。3. 預言小朋友在成長中可能犯下一些小的過錯，但在家長的眼中卻當成罪不可恕的彌天大罪，有時小朋友在學校裡學會了一些不好的行為，例如講粗口，家長聽到大動肝火：「咁細就學講粗口，長大一定入黑社會。」據兒童心理學家梁天明博士分析，小朋友講粗口時只是出於發洩，根本不懂得所講粗口的真正涵意，家長不必太過擔心，反而家長所做出的預言式判斷，未免結論下的太早了。4. 嘲笑幾個家長走在一起會經常彼此提起子女的學業等，有時家長明知自己孩子讀書很好，每次考試都明列前茅，但仍然謙虛的讚別人的孩子好自己的孩子蠢，小朋友聽到時覺得很奇怪，明明學習好勤力不但得不到家長鼓勵反而被貶低，內心會很不開心。其實每個小朋友都希望家長在別人面前誇讚他一番，家長卻因為客氣而不惜嘲笑自己孩子，孩子根本不明白大人這種說話技巧是緣於客氣，令小朋友以反叛還擊家長。5. 壓制有人說小朋友的創意是無邊無界的，由於未被限制，小朋友有很寬闊的想像空間。例如小朋友畫畫時，將頭部畫的很大、腿畫得很短，家長見到不是以小朋友的心態去衡量：「頭畫得這麼大、腿這麼短、你真的無用！」，小朋友被罵，仍摸不著頭腦，在小朋友的視野裡，大人的頭是比腿大，所以被罵得不知錯在哪裡。如果小朋友有豐富的想像空間是可喜可賀的事，家長應以鼓勵去支持，這樣小朋友日後會更有創意。6. 自私家長要從小培養小朋友有愛心，不但要愛護公物、關懷別人及珍惜一切生命，還要主動幫助別人。但有時家長對於子女對別人的關懷卻加以斥責：「你顧下自己先啦」。自私的形成，就是經常以個人觀點、思想為出發點，不去關心別人一切以自我為中心，長期下去不但自私，也難與別人相處，造成不合群。7. 命令有時小朋友坐在沙發上看電視，家長以命令式口吻：「關掉電視，去做功課」，小朋友整天返學也需要輕鬆一下，但家長不但不體諒，見到小朋友仍在看電視就怒火中燒：「我講埋呢次就不講啦」，小朋友不明白家長這句話的深意，以為難道死了才不講，或者不要我了。家長這種口吻有點推卸責任，實際只要跟孩子講明道理，或者對讀書和看電視作出適當的安排，問題自然可以解決。8. 失言媽媽在打麻雀，孩子走過來問功課，其母覺得很煩，一句「等陣先」啦，小朋友以為所謂的「等陣先」是很短暫的時間。隔了10分鐘又走過來問剛才的功課，其母顯得有點不耐煩：「都說等陣先啦」，小朋友又等了一會兒再問其母，結果大發脾氣：「你好煩啊」，令小朋友莫名其妙。大人騙小孩是常有的事，為了哄騙或打發孩子，隨便答應孩子的要求，但做不到時會令孩子日後缺乏對家長的信任。9. 威脅做父母的在不知不覺中時時犯下「威脅」的毛病，而慣用的口頭禪，例如「你唔好話畀我聽你唔識」，「你唔好喊住返來見我」，這種威脅似乎用反義詞來教育孩子，但反義詞用的多收到的是反效果。這種慣用的口頭禪，在小朋友心裡會產生似乎家人不關心他/她，沒有家庭溫暖的感覺。10. 內疚「我含辛茹苦養大你……」、「我日日返工咁辛苦都為了你」……，家長盡吐苦水覺得應份，說者無意聽者有心，小朋友會感覺揹著一個沉重的包袱壓力很大；因為家長這麼辛苦的目的就是為了讓他/她讀好書。一個小朋友的心靈這麼稚嫩，卻要揹起一個沉重的責任，做不到時深感內疚，往往從此一蹶不振不願再讀書。